بسم الله الرحمن الرحيم
يا ريت ما تستعجلو وتقرأو للاخر
كلنا منعرف انو باخر فترة انتشرت الكوفيات الملونة
يا ريت ما تستعجلو وتقرأو للاخر
كلنا منعرف انو باخر فترة انتشرت الكوفيات الملونة
زهري واخضر واحمر وزهري والالوان اللي بدكو اياها
كلنا حبيناها على انها موضة
بس للاسف ازا بنلاحظ على الورقة اللي بتكون على
الكوفية او الحطة عن مكان صنعها وصدورها
بنلاقي مكتوب بالعبري اورشليم ويعني القدس
وازا بحثنا منيح عن هذه الكوفيات ومين اللي صنعها
راح تلاقو اسرائيل هي اللي صنعتها واصدرتها
والسبب...
تشويه التراث الفلسطيني وطمس الكوفية العربية عموما
والفلسطينية خصوصا
اليهود سرقو اراضينا وسرقو بيوتنا وممتلكاتنا
حتى الاكلات الشعبية سرقوها ونسبوها الهم وهلأ الكوفيات
وللاسف الشديد احنا ومن غير قصد بنساعد
في طمس الكوفية الفلسطينة وزوالها
اللي لبسها ابائنا وجدادنا وجداد جدادنا
اللي ريحة فلسطين ودم الشهداء فيها
ممكن تكون القضية بنظركم
مجرد حطة
مجرد موضة
متل ما بفكر اغلبكم بس الحقيقة مش هيك بنظرهم
هم بدهم يشوهو اي شي برمزلنا وبس
يعني المنظر مش حلو ابدا لما يكون يوم الاستقلال
او ذكرى ابو عمار وتطلع على رام الله
بدل ما تشوف حطات فلسطين تشوف حطات بكل الالوان
وبكل الاشكال
يعني بدل ما نحيي الحطة الفلسطينية
احنا خلينا الحطات الملونة تحل محلها
الغرب واسرائيل ما عندهم تاريخ وهم بصنعو تاريخ
الهم عم بعملو تراث الهم
بدل ما نعتز بتراثنا ونحيي احنا بنروج لتراثهم
المصطنع وبندعمهم ....!
مش مقتنعين
شوفو معي هاد العلم
كلكو بتعرفو انو علم اسرائيل
انتبهتو على النجمة
نجمة سداسية او ما تسمى بنجمة داوود
